Proyekto ‘Tanki Matrimonio’

Hopi di nos ta soña di tin nos propio kas pero ainda nos no a logra esaki. E proyekto ‘‘Tanki Matrimonio’ ta brinda nos e oportunidat pa e soño akí bira realidat!

Proyekto ‘ Tanki Matrimonio ’ ta un kolaborashon entre Bonaire Builders B.V huntu ku Gobiernu di Boneiru. Meta di e koperashon entre Gobiernu i sektor priva aki ta pa konstruí kasnan di kalidat, komfortabel i pagabel pa e pueblo di Boneiru ku entrada mediano.

E kasnan ta situá den e bario Nikiboko, pariba di Kaya Macario Sint Jago.

E arkitekto enkargá ku e proyekto a tene bon kuenta ku e aspektonan klimatológiko i regional. A base di esaki dos modelo di kas a wordu diseñá. Esta modelo “Kadushi ‘ i Flamboyan’

Spesialmente pa promové nos habitantenan di Boneiru pa tin nan propio kas, Gobiernu di Boneiru , Bonaire Builders B.V., Notariskatoor Kenneth Arends , Sunbelt Realty N.V. i Civil Engineering Caribbean NV ta uni forsa i ekspertisio pa asina hasi bo soño di tin bo propio kas bira realidat.