عيادة د/ محمود يحيى لجراحة المسالك البولية والتناسلية وأمراض الذكورة
0
About عيادة د/ محمود يحيى لجراحة المسالك البولية والتناسلية وأمراض الذكورة
العنوان: كفرالزيات - 96 شارع الجلاء - أمام صيدلية الجلاء .
المواعيد: يوميا عدا الجمعة من الساعة 3 م ـــ 10 م
Anynomous
"
تفتيت حصوة أعلى الحالب الأيسر بالموجات التصادمية لسيدة تبلغ من العمر ٥٠ عام .. بدون جراحة .. بدون مناظير ..بدون دعامة ...وبفضل الله الحصوة اتفتت ونزلت بالكامل من أول جلسه . _______________________________________________ ميزة التفتيت بالموجات التصامية إنه بيخصلك من الحصوات بدون جراحة أو مناظير وبدون الحاجة للتخدير الكلي أو النصفي. الجلسه بتستغرق حوالي ٤٠ دقيقة بمخدر موضعي والمريض بيقدر بعدها يمارس حياته الطبيعيه في نفس اليوم.
" 25 July 2023Anynomous
"
ــــــــــــــــــــ التبول اللاإرادي عند الأطفال ـــــــــــــــــــــــ
التبول اللاإرادي هو عدم قدرة الطفل على التحكم فى البول أثناء النوم بالليل ولازم الطفل يكون سنه اكبر من 6 سنين وبيعمل على الاقل ولو مرة واحدة أسبوعيا عشان نقدر نقول إنه عنده تبول لاإرادي .
في حوال 15% من الاطفال اللي في سن 6 - 12 سنة بيعانوا من التبول اللاإرادي وبتقل النسبة دي فى الاطفال الاكبر سنا ... في حالة لو أحد الابوين كان عنده تبول لا إرادي وهو صغير النسبة بتصل ل 30% أما لو الاب والام الاتنين كان ...
Continue Reading " 23 April 2023Anynomous
"
(( المغص الكلوي ))
المغص الكلوي من أشد الآلام اللي بيتعرض لها الإنسان وعادة بييجى يشتكي المريض من ألم فى أحد الجانبين (بين الضلوع وعظمة الحوض) وممكن الألم دا يسمع فى الضهر أو أسفل البطن.
المغص الكلوي ممكن يكون مصاحب بترجيع‘ غثيان ‘ قلة أو زيادة معدل التبول مع صعوبة أو ألم أثناء التبول ‘ نزول حصيات صغيرة مثل الرمل مع البول ‘ إحمرار لون البول وأحيانا بيكون مصاحب بارتفاع فى درجة الحراة.
...من أهم أسباب المغص الكلوي هي الحصوات اللي بتصيب الجهاز البولى وخاصة الكلى والحالب وأسباب تكوين الحصوات كتير جدا نستعرضها فى بوست تاني إن شاء الله .
تعمل إيه لو جالك مغص كلوي ؟ للأسف معظم الناس بتتعامل بطريقة خاطئة مع المغص الكلوي وبتكتفي بالمسكنات ودا مش سليم ...عند حدوث مغص كلوي لازم المريض يتوجه لأقرب طبيب مسالك بولية وساعتها الطبيب هيفحصه بدقة ويعطيه المسكن المناسب لحالته مع طلب الفحوصات اللازمة لمعرفة سبب المغص الكلوي ده.
المضاعفات اللي ممكن تحصل من المغص الكلوي هي حدوث التهابات بالجهاز البولي أو التأثير على وظيفة الكلى ودا عادة بيكون لأن المريض بيكتفي بالمسكنات أو المحاليل ولا يقوم بعمل الفحوصات اللازمة لمعرفة سبب المغص الكلوي.
وأخير أحب أقول إن المغص الكلوي ورغم إنه ألم شديد جدا إلا إننا بنعتبره رحمة من ربنا بالمريض وجرس إنذار عشان المريض يتحرك ويروح للدكتور ويتم علاجه قبل ما تحصل أي مضاعفات.
#المغص_الكلوي #متستناش
See More " 16 April 2023