Sunda kommuna fevnir um bygdirnar Hósvík, Streymnes, Hvalvík, Saksun, Langasand, Haldórsvík, Tjørnuvík, Oyri, Oyrarbakka, Norðskála og Gjógv. Í hesum bygdum búðu í januar 2017 áleið 1750 fólk, og sum heild er fólkatalið í kommununi vaksandi.

Sunda kommuna má metast sum eitt av vakstrarøkjunum í landinum. Her eru lutfalsliga nógv arbeiðspláss innan eitt nú fiskivinnuna, aling, ymisk handverk, handil eins og almennar stovnar, og kommunan vil gera sítt til, at hetta virksemið mennist og verður enn fjøltáttari.