Anynomous

"

Námskeiðið "Sígildar ljósmyndunaraðferðir" var haldið vikuna 2-6 júlí í fræðsluhúsinu Líkn á Árbæjarsafni og lauk að vanda með sýningu á afrakstrinum. Við þökkum hressum og áhugasömum krökkum kærlega fyrir vikuna 🙂📷

Anynomous

"

Nú er verk að vinna!

Komið í heimsókn á Árbæjarsafn á sunnudag og hjálpið okkur við ýmisleg dagleg störf í gamla bænum á safninu.

Anynomous

"

Sunnudaginn 1. júlí kl. 13:00 – 16:00 verður hinn árlegi Barnadagur haldinn í Viðey. Fjölbreytt dagskrá helguð börnum og fjölskyldum þeirra verður í eynni þennan dag og því tilvalið að skella sér í bátsferð út í Viðey og njóta þessa fallega útivistasvæðis.

Leikhópurinn Lotta mun skemmta gestum með söngvasyrpu á túninu fyrir framan Viðeyjarkirkju. Fjölskyldur geta tekið þátt í jóga og gongslökun með Arnbjörgu Kristínu jógakennara, skoðað lífríkið í fjörum Viðeyjar og tekið þát...t í að poppa popp yfir opnum eldi. Húlladúllan sýnir listir sínar með húllahringi og það er aldrei að vita nema gestir rekist á fjörugar furðuverur á göngu sinni um eyna. Í Viðeyjarstofu verður hægt að kaupa grillaðar pylsur og ís.

Dagskrá 13:00 Fjölskyldujóga 14:20 Húlladúllan 15:20 Leikhópurinn Lotta 13-16 Fjörufjör. Komið með háfa og fötur. 13-16 Poppað yfir opnum eldi. 13-16 Fjörugar furðuverur 13-16 Grillaðar pylsur til sölu við Viðeyjarstofu

Dagskráin stendur frá 13:00-16:00. Ferjurnar fara frá Skarfabakka yfir sundið samkvæmt áætlun, eða eftir þörfum. Athugið að oft myndast langar biðraðir í ferjuna og því er nauðsynlegt að mæta tímalega til að ná fyrsta atriði dagsins. Við mælum eindregið með því að kaupa miða í ferjuna daginn áður í miðasölu Eldingar. Gjald í ferjuna fram og til baka er 1.550 kr. fyrir fullorðna, 1.400 kr. fyrir eldri borgara og nemendur og 775 kr. fyrir börn 7 – 17 ára í fylgd fullorðinna. Börn 6 ára og yngri sigla frítt. Við minnum á að handhafar Menningarkorts Reykjavíkur fá 10% afslátt í Viðeyjarferjuna og handhafar Gestakortsins sigla frítt. Við bjóðum öll börn og fjölskyldur þeirra hjartanlega velkomin!

Athugið! Barnadagurinn er útiviðburður sem stjórnast af veðri. Ef spáin er slæm verður viðburðinum aflýst með dagsfyrirvara. Fylgist með því á facebooksíðu Viðeyjar.

Viðey er hluti af Borgarsögusafni, eitt safn á fimm frábærum stöðum.

Anynomous

"

Okkur langar að benda ykkur á nýtt og áhugavert smáforrit sem heitir Minjaslóð sem inniheldur bæði hljóðleiðsögn um höfnina sem heitir Minjaslóð og Minjaleit sem er fjársjóðsleit fyrir yngri kynslóðina þar sem unnið er með sögu hafnarsvæðisins í Reykjavík. Minjaslóð inniheldur fimmtán upplýsingapunkta á hafnarsvæðinu í Reykjavík þar sem hægt er að fræðast um höfnina, sögu hennar og hlutverk, s.s. í tengslum við fullveldi og aukið sjálfstæði Íslands.

Forritið opnast sjálfkraf...a á Minjaslóð en Minjaleit opnast þegar skjárinn er dreginn með fingri frá hægri til vinstri. Minjaleit hefst við Sjóminjasafnið í Reykjavík og virkar eingöngu á hafnarsvæðinu. Minjaslóð er hægt að opna og skoða bæði á hafnarsvæðinu en einnig heima eða hvar sem er.

Hægt er að nálgast smáforritið á Playstore og App store.

#1safn5staðir #Borgarsögusafn #Maritimemuseum #app #Minjaslóð #Minjaleit #Sjóminjasafnið #Frístund

Anynomous

"

Meira af opnuninni:

Anynomous

"

Þá er loksins komið að því!

Sjóminjasafnið í Reykjavík verður enduropnað helgina 9.-10. júní með tveimur glænýjum sýningum: Grunnsýningunni Fiskur & fólk - sjósókn í 150 ár og sýningunni Melckmeyt 1659 sem fjallar um fornleifarannsókn neðansjávar á hollensku kaupskipi sem fórst við Flatey á 17. öld.

Gestir eru boðnir velkomnir, og verður ókeypis aðgangur þessa fyrstu helgi í tilefni af enduropnuninni.

Anynomous

"

Skráningin á ljósmyndanámskeiðið okkar er í fullum gangi! 📷

Anynomous

"

Þessir hressu krakkar frá Langholtsskóla (til vinstri/ofan) og Hólabrekkuskóla (til hægri/neðan) komu í heimsókn á Landnámssýninguna og varðskipið Óðin í dag á Alþjóðlega safnadeginum.

#1safn5staðir #Borgarsögusafn #IMD2018 #MuseumDay #Safnadagurinn

Anynomous

"

Í dag hefst sumartímabilið í Viðey, með daglegum siglingum frá Skarfabakka og úr miðbænum. Að því tilefnu vígði Reykjavik City Museum / Borgarsögusafn Reykjavíkur nýtt og vandað fræðslu- og útivistarsvæði bak við hina fornu og fögru Viðeyjarstofu. Mun það bæta alla aðstöðu og þjónustu enn frekar.

Búið er að gera við gamalt hesthús, sem nú nýtist gestum Viðeyjar, taka salernisaðstöðuna í gegn og gera fallegt útisvæði með bekkjum og grillaðstöðu, fræðsluskiltum og leiktækjum ...sem hæfa þessum fallega stað. Ber þar sérstaklega að nefna sérsmíðaðan sandkassa, sem er lítill bátur eða skekta er hefur hlotið nafnið Sandey.

Hægt er að fá frekari upplýsingar á videy@reykjavik.is og bóka hópa í fræðslu í eynni á safnfraedsla@reykjavik.is.

#1safn5staðir #viðey #borgarsögusafn

Anynomous

"

Sýning nemanda í MH opnar á þriðjudag á Árbæjarsafni.