Посебно и внимателно креирано катче за нашите најмили. Место на кое дечињата ќе имаат прилика да ја поттикнат креацијата, да ја поткренат едукацијата и да уживаат во забавата.
На близу 400м2 децата ќе ја добијат својата вистинска “ џунгла” од играчки: balloon house, hamster cage, rotating mini bar, pencil swing, goal counter и многу други содржини за нивна проактивна анимација. Особено атрактивни и интересни се ѕидовите во игротеката на кои што се насликани најразлични животни, дел од нив и во нивната природна големина, кои го создаваат амбиентот на вистинска џунгла.
Дел од игротеката е конципиран како огромен базен во кој дечињата ќе може да уживаат во безгрижна и пред се, безбедна игра со безброј топчиња. Автентична атмосфера прават и специјалните палми наменети за вртење на најмладите, а на располагање им се и големи трамболини за скокање. Дел од подот е претворен во sensory piano, големо пијано кое испушта звуци кога се гази.
Во делот предвиден за роденденски забави има многу детски реквизити со кои што можат да се постигнуваат различни ефекти и дечињата вистински да уживаат во деновите кои најмногу ги сакаат и цела година ги очекуваат.
Во склоп на игротеката, во работните денови, функционира Едукативен центар кој во фокусот на своето работење има работа со деца на предучилишна и рана училишна возраст со главен приоритет организација на едукативни работилници во една опуштена и пред сѐ креативна средина.

Она што му треба на секое дете и на секој родител...
КИДС ПАРК Игротека, во која низ игра - се учи и низ учење - се игра!